Ditën e sotme janë pezulluar 12 policë dhe zëvendësdrejtori i Policisë së Shkodrës, Hajri Kushe pasi i akuzohen se kanë favorizuar kultivimin e kanabisit dhe shpërdorim të detyrës.
Në lidhje me ngjarjen e ndodhur ditën e sotme është vënë në qendër të vëmendjes denoncimi i bërë një vit më parë nga ish-kryeminsitri, Sali Berisha.
Në denoncimin e tij Berisha u shpreh në atë kohë se Kushe po favorizonte kultivimin e kanabisit për Pëllumb Gjokën.
Denoncimi i Berishës
“Është një personazh në Velipojë që quhet Pëllumb Gjoka, të cilit Rama i ka dhënë leje për një resort mbi një tokë të grabitur me firma false, por ky është njeriu kryesor i Ramës për votat.
Ky sot aktualisht drejton parcela dhe sera të kanabisit nga Velipoja deri në fshatin Ços, pastaj vazhdon Reç dhe Dukagjin me punëtorë që i marrin me autobusë hapur fare.
Ndërkohë ky përcakton parcelat kush do punojë dhe ku do punojë çdo punëtor. Këto dite është intensifikuar puna sepse me 25 fillon korrja.
Dy nëndrejtorët e policisë në Shkodër, H. K. dhe A. Sh, bashkëpunojnë me Pëllumb Gjokën.
Pëllumb Gjoka i ka marrë tokat në emër të hallës.
Në zonat e KANABISIT është gjendje shtetrrethimi dhe njerëzit kanë frikë të shkojnë në funerale dhe dasma se nuk dihet çfarë iu ndodh. Lidhja e tij me Ramën e bën Pëllumb Gjoken komisar politik të PS për Shkodrën”.
