Mbrëmja e djeshme Peja u kthye në “Vencie” nga moti i keq. Uji vërshoi me shpejtësi nëpër rrugët e qytetit. Në videot që qarkullojnë nëpër rrjet duket një person i cili detyrohet të dalë nga dritarja e makinës pasi dera e saj ishte e pamundur të hapej për shkak të presionit të ujit.
Madje ai me shumë vështirësi arrin të largohet nga makina për të shkuar në një vend të sigurtë. Në një video tjetër dy qytetarë kanë hipur mbi makinë pasi e kanë të pamundur të kalojnë për shkak të vërshimit të ujrave.
Ndërkohë ajo që e bën edhe më të rëndë situatën është lajmi që një fëmijë 5 vjeç dhe nëna e tij kanë humbur jetën si pasojë e përmbytjeve të mëdha që përfshinë vendin.
