Kyriakos Mitsotakis është fituesi absolut i zgjedhjeve në Greqi me mbi 40% të votave në raundin e dytë. Sot pritet që Kyriakos Mitsotakis të bëjë betimin. Më pas vjen shpallja e përbërjes së qeverisë së re dhe betimi i 300 deputetëve që do të bëhet të hënën e ardhshme, më 3 korrik. Për të vazhduar me programin dhe votëbesimin në kuvend për qeverinë e re.
Analiza e zgjedhjeve
Kyriakos Mitsotakis, i cili sot formon një qeveri të re të qëndrueshme me një horizont katërvjeçar, mori një mandat të fortë të rinovuar. Kryeministri i rizgjedhur konfirmoi primatin e tij në hapësirën e qendrës së djathtë dhe e nis mandatin e tij të dytë qeverisës me një avantazh historik prej 24 pikë përqindjeje ndaj rivalit të tij kryesor dhe tani përballet me një opozitë të fragmentuar të përbërë nga shtatë parti të ndryshme në një konkurrencë të vështirë mes tyre.
Demokracia e Re do të ketë një autonomi komode në Parlamentin e ri, e krahasueshme me atë që ka qeverisur nga viti 2019 deri në vitin 2024, pas zgjedhjes së 158 deputetëve. Në të njëjtën kohë, siç theksojnë analistët, në përbërjen e re parlamentare asnjë nga partitë opozitare nuk ka numrin e duhur prej 50 mandatesh për të paraqitur një mocion shkarkimi ndaj qeverisë.Një tjetër humbje për SYRIZA-n dhe Aleksis Tsipras. SYRIZA pësoi një rënie të re prej 2.24% në këtë votim, por vetëm një pjesë e këtyre humbjeve u shndërruan në fitore për PASOK-un.
