Ish-kryeministri Sali Berisha kërkoi sot nga prokuroria që të hetohet cdo tender që ka marrë Safet Gjici nga pushteti socialist në dekadën e fundit. Gjithashtu i kërkoi SPAK-ut që të hetojë lidhjet dhe telefonatat e Gjicit me kryetarin e grupit socialist, Taulant Balla.
“SPAK të marrë cdo komunikim të Taulant Ballës gjatë viteve të fundit me Gjicin e Ramës. Të marrë në “GPS”, të gjitha takimet dhe spostimet e tyre. Të hetohet cdo tender i fituar nga Gjici në 100 mln euro, sepse lajmet gumëzhijnë.
Flitet shumë që këta qenkan të lidhur si “mishi me thoin”, Taulanti me Servet Gjicin, dikush thotë në bixhoz, dikush në afera të tjera, unë nuk e di. Por di këtë, që e ftoj të bëjë një hetim të plotë që të kuptojë si ranë nga qielli 100 mln euro te përfaqësuesi dinjitoz i Ramës, Gjici” tha ai.
I pyetur për raportin me Ilir Metën, Berisha tha se “po krijohet një fron i ri opozitar”. Në Rrogozhinë u shpreh i bindur për fitoren. “Kam bindjen që do të shpallet fitorja e Çim Hoxhës”. Për Kukësin nuk ka vendosur edhe Admir Sinamati shprehu dëshirën pak ditë më parë. “Unë nuk kam asnjë kandidat për bashkinë e Kukësit, sapo të shpallet do u njohim” tha Berisha.
