Ministria e Punëve të Jashtme të Francës deklaron se lirimi i tre policëve të Kosovës nga Serbia është një hap i parë shumë i rëndësishëm drejt de-eskalimit në mes të tensioneve mes dy vendeve.
Tani, Parisi u kërkon gjithashtu edhe institucioneve të Kosovës që të angazhohen pa vonesa në këtë drejtim, bazuar në parametrat e vendosura nga Bashkimi Evropian për të dalë nga kriza.
“Është esenciale më shumë se kurrë që Prishtina dhe Beogradi të tregojnë përgjegjësi duke u kthyer në tavoline e negociatave të lehtësuar nga Bashkimi Evropian”, thuhet në reagimin e MPJ-së së Francës.
