Aktori i njohur i disa filmave dhe serialeve Alan Arkin, i cili fitoi një Oscar për interpretimin e tij në vitin 2007 në “Little Miss Sunshine” mes dhjetëra vlerësimeve të tjera, ka vdekur.
Veterani i njohur i skenës dhe ekranit ishte 89 vjeç. Djemtë e tij Adam, Matthew dhe Anthony konfirmuan vdekjen për “People”.
Aktori Jason Alexander e cilësoi aktorin një “zë të mrekullueshëm, origjinal për komedinë”. “Në ato pak raste që isha në praninë e tij, një shpirt i sjellshëm dhe bujar” shkroi ylli i “Seinfeld” në Twitter.
“Kam mësuar shumë duke e parë atë. Dhe të qeshurat që mora nga puna e tij e lavdishme më duken të pafundme” shkroi ai.
“Babai ynë ishte një forcë unike, si artist ashtu edhe si njeri. Një bashkëshort, baba, gjysh dhe stërgjysh i dashur, ai u adhurua dhe do të mungojë shumë” tha familja.
