Zbardhen detaje të reja nga vrasja në Dukagjin ditën e djeshme. Vrasësi i babë e bir, Gjokë dhe Eduard Gurra, përkatësisht 57 dhe 31 vjeç pasditen e së enjtes në zonën e Dukagjinit, dyshohet të jetë dhe autori i zjarrvënies në shtëpinë e tyre.
Gjokë dhe Eduard Gurra po udhëtonin së bashku me fuoristradë drejt fshatit Sumë, për të parë banesën e tyre të djegur qëllimisht.
Rrugës për te banesa e tyre një person ka lëshuar breshëri kallashnikovi ndaj babë e bir duke i lënë të vdekur. Hetuesit nuk përjashtojnë mundësinë që edhe zjarrvënia të jetë kryer nga i njëjti person që si qëllim final ka pasur vrasjen e tyre.
Autori dyshohet të jetë një person. Ka dyshime se ka lëvizur në këmbë, dhe pas ngjarjes ai ka përfituar nga zona e pyllëzuar për t’u larguar nga vendi i krimit.