Dhuna barbare në Krujë është kthyer në kryefjalë në 24 orët e fundit. Shteti reagoi me shumë vonesë në versionin më të mirë për të mos shkuar më tej me dyshimet se mund të ketë pasur tentativë për ta fshehur ngjarjen pasi ishin të përfshirë dy vëllezërit dhe djali i deputetit socialist, Rrahman Rraja.
Pasi ngjarja mori dhenë, Ministri i brendshëm Bledi Çuçi reagoi mbrëmë pas 30 orësh dhe sot në mëngjes i shkoi në zyrë drejtorit të përgjithshëm Muhamet Rrumbullaku. Padyshim që në qendër të bisedës ishte dhuna tronditëse në Krujë.
Deri më tani në kërkim janë dy vëllezërit e deputetit Flamur dhe Xhelal Rraja e ndërsa një natë më parë u shpall në kërkim edhe djali i tij Rexhep Rraja. Në pranga kanë përfunduar Ineidi Rraja, Eni Kullaj, Kujtim Përdaku, Andi Rraja.
