Presidenti i Francës, Emmanuel Macron ka zhvilluar një bisedë telefonike me presidentin serb Aleksandar Vuçiç për të biseduar për situatën aktuale në veri të Kosovës.
Vuçiç i ka kërkuar “që të bëjë një përpjekje shtesë që pala prishtinase të vijë në vete dhe të kthehet sa më shpejt në kornizën e bisedimeve konkrete”. Ai madje gjatë bisedës me Macron pretendoi se serbët në Kosovë janë të ekspozuar ndaj dhunës.
“Dhuna tani e fshehtë e drejtuar kundër serbëve në Kosovë po largon gjithnjë e më qartë çdo mundësi për një bisedë të civilizuar dhe një qasje për zgjidhjen e çështjeve të hapura.
Theksova se Serbia mbetet e përkushtuar për dialogun dhe ruajtjen e paqes, edhe pse komuniteti serb në Kosovë është i vetmi grup etnik në Europë që është i ekspozuar ndaj dhunës së vazhdueshme”, ka shkruar Vuçiç në Instagram.
