Kreu i Grupit Parlamentar të PD, Gazment Bardhi, i ftuar në “5 Pyetjet” nga Ilir Babaramo foli edhe për zgjedhjen e Taulant Ballës si ministër i ri i Brendshëm, vend që deri dje e mbante z. Blendi Çuçi.
Sipas Bardhit, Taulant Balla është njeriu i dytë pas Edi Ramës me lidhjet më të konsoliduara me krimin e organizuar, ku përmendi lidhjet e tij me anëtarë të grupeve kriminale, ku si shembull solli grupet në Elbasan.
“Taulant Balla është politikani i dytë pas Edi Ramës me implikimet më të mëdha me grupet kriminale. Shtabi elektoral i vendosur në Elbasan ishte një grup kriminal, nën ndikimin e Taulant Ballës.
Pra, është personi i dytë me lidhjen më të konsoliduar me krimin e organizuar. Ai është njeriu më i papërshtatshëm në Ministrinë e Brendshme”, u shpreh ndër të tjera në fjalën e tij Gazment Bardhi.
