Henrik Ligori, avokati i ish-zv/kryeministrit Arben Ahmetaj deklaron se deputeti socialist ndodhet brenda vendit. “Ish-zv.kryeministri ndodhet brenda territorit të Shqipërisë” tha ai.
SPAK i është drejtuar me një kërkesë zyrtare Kuvendit të Republikës së Shqipërisë, ku i kërkon autorizim për arrestimin e ish-zëvendëskryeministrit Arben Ahmetaj.
Shkresa e Prokurorisë së Posaçme ka mbërritur në ambientet e Kuvendit në datën 7 korrik, ditën e premte, por është bërë publike vetëm të hënën.
Ndërkohë në media ka qarkulluar lajmi se Ahmetaj nuk ndodhet brenda territorit të Shqipërisë, gjë që është mohuar nga avokati i këtij të fundit./ Euronews
