Ish-kandidati i koalicionit “Bashkë Fitojmë” për Bashkinë e Elbasanit, Luçiano Boçi në një deklaratë për mediat ka renditur të gjitha shkeljet ligjore dhe presionet e bëra gjatë fushatës elektorale të 14 majit 2023 nga shteti policia administrata dhe jo vetëm, sipas tij.
“Prokuroria e nisi një përgjim ambiental në Elbasan me dy pajisje më të fundit por nuk i solli për të përgjuar grupin kriminal por pajisjet u sollën për të përgjuar kandidatin e opozitës, shtabin elektoral të tijin, bashkëpunëtorët e tij politik dhe kjo është bërë që nga prilli në mënyrë sistematike në mënyrë që të krijonin një skenar të ngjashëm si të Himarës,” akuzoi Boçi.
“Të gjitha faktet e dëshmuara tregojnë qartazi që në Elbasan dhe jo vetëm në Elbasan nuk pati fushatë elektorale,” tha ish-kandidati për Bashkinë e Elbasanit.
Boçi tha gjithashtu se 3 javë para zgjedhjeve, në një takim me zonjë Glover e cila ishte dhe shefja e misionit të vëzhgimit të OSBE/ODIHR i kishte paraqitur shqetësimin i cili vinte nga dhuna në terren, por edhe nga deklaratat personale të kryeministrit i cili, sipas tij, kërcënonte hapur që nuk do të financonte ata kandidatë të opozitës që do të fitonin zgjedhjet e bashkive.
