Mbrojtësi Harry Toffolo akuzohet zyrtarisht nga Federata Angleze për thyerje të rregullave pasi ka vendosur bast për 375 ndeshje në një periudhë 3-vjeçare.
Vendimi vjen pak javë pas dënimit të sulmuesit të Brentford, Ivan Toney, i cili u dënua me 8 muaj pezullim pasi rezultoi fajtor.
Toffolo akuzohet se në periudhën 22 janar 2014-18 mars 2017 ka vendosur plot 375 baste për ndeshje të ndryshme ndërsa në 19 korrik ai do të japë dëshminë e tij përpara një komisioni në lidhje me këto akuza.
Toffolo është një nga pikat kyçe të Nottingham Forest pasi u aktivizua në 21 ndeshje gjatë sezonit të fundit në kampionat.
