Në seancë e sotme plenare pritet që të miratohet dekretet e Presidentit për emërimin e Taulant Ballës në krye të Ministrisë së Brendshme, por Sali Berisha kishte disa akuza për socialistin.
“Burime serioze thonë se Europol ka sjellë të dhëna në prokurori fiks për Taulant Ballën. Thirrja e tij në SPAK disa herë për lidhjet e krimit është e vërtetë, pavarësisht se kur dilte thoshte isha për Saliun.
Kjo e dorëzimit të dokumenteve nga Europol, kjo mbetet në diskrecionin e SPAK-ut, por mesa shoh unë, derisa Rama e emëroi për t’i dhënë një dopio imunitet.
Imagjinoni ju që mbi prokurorët mund të ushtrojë presione, ndonëse pas Ramës ai është personi që ka të kompromentuar në atë institucion më shumë se kushdo tjetër” tha ai.
Ish-kryeministri Sali Berisha zbuloi versionin e tij të arratisjes së ish-zëvendëskryeministrit Arben Ahmetaj nga vendi, ndërkohë që SPAK kërkon arrestimin e tij.
“4 orë para se shkresa të dilte nga Prokuroria u informua Ahmetaj dhe u gjet në Kakavijë dhe u vërsul atij. Preu biletë për në Itali, për të dezinformuar dhe ia mbathi në Kakavijë.
Thuhet se po negocion me Ramën. Arratisja e tij i ka dhënë një goditje të tmerrshme kësaj organizate kriminale“, tha Berisha.
