Pas tre ndërprerjeve të parlamentit, seanca ka rinisur por kryetari i KQZ-së, Ilirjan Celibashi është larguar pa prezantuar raportin për zgjedhjet për shkak se opozita nuk e lejoi të fliste.
Deputetët e opozitës kërkojnë praninë e kryeministrit Edi Rama në Kuvend dhe votimin e kërkesës së SPAK-ut për Arben Ahmetajn.
Shumica nuk pranon, duke e shtyrë për të hënën. Deputeti socialist, Toni Gogu mori fjalën dhe paralajmëroi arrestimin e Sali Berishës. “Nesër do të vijë kërkesa për ty zoti Bardhi dhe ti do proces të rregullt.
Do të vijë për padrinon politik (i referohet Berishës). Dhe ai do dhe meriton proces të rregullt ligjor, megjithëse urdhëronte mos zbatimin e urdhrave të prokurorit të përgjithshëm” tha ai.
