Një 39-vjeçar shqiptar ka humbur jetën pasi u përfshi në një aksident të rëndë në Greqi. Ngjarja në fjalë ndodhi mesditën e së enjtes rreth orës 15.45, në kilometrin e 27 të rrugës nacionale Serron-Dramë.
Mediat greke raportojnë se shqiptari drejtonte një makinë teksa është përplasur me një kamion, që drejtohej nga një shtetas 53-vjeçar.
Nga ana e Departamentit të Qarkullimit në Serres po kryhen hetimet paraprake për shkaqet e sakta të aksidentit.
