Kadri Kryeziu, ish-anëtar i Gjykatës Kushtetuese të Kosovës, referuar dhunës dje në Kuvend u shpreh se imunitet penal s’ka as kryeministri, as ministri dhe policia ka të drejtë të hyjë në seancë t’i arrestojë.
“Është njëfarë kundërvajtje penale, që i bie se mund të dënohen ose do të ketë masa ndëshkuese varësisht prej rrezikshmërisë ose pasojave që kanë pas deputetët”, tha ai.
Ai theksoi se ka kohë që deputetëve iu është hequr imuniteti penal.
“Është konstatuar se imuniteti penal nuk do të jetë më për deputetët dhe është trend evropian, për shkak se konsiderohet se deputeti është i përgatitur në aspektin intelektual dhe njerëzor që të ketë imunitetin e brendshëm”, tha Kryeziu.
