Prej kohësh Luis Hamilton përflitej për një lidhje me Shakirën dhe këto aludime u shtuan akoma dhe më shumë pas Çmimit të Madh të Silverstone, ku të dy ata ishin pjesë e së njëjtës festë.
Por duket se kjo lidhje mund të ketë përfunduar pa nisur mirë. Ylli i Formula 1 ka zgjedhur që pushimet para Çmimit të Madh të Hungarisë t’i kalojë në jaht dhe jo vetëm.
Ai u shfaq nën shoqërinë e tenistes 20-vjeçare, Xheni Strej Spetalen dhe aktores së njohur meksikane Eiza Gonzalez. Së bashku me ta ishte dhe regjisori australian Baz Luhrman me të shoqen.
Duket se ylli britanik tashmë është ende në një kërkim të një romance të re, teksa gjërat me Shakirën duken të kenë shkuar drejt fundit, edhe pas darkës që këngëtarja latine kaloi me basketbollistin Xhimi Batler.
