Në pritje të nisjes së parlamentit, studentët janë mbledhur për të protestuar përpara parlamentit të Shqipërisë.
Të shumtë në numër, studentët e mjekësisë kundërshtojnë nismën e qeverisë që sot ka paralajmëruar se do ta kthejë në ligj.
Kjo nismë synon që të bllokojnë largimet e mjekëve. Kushti është që të punojnë pesë vite në atdhe përpara se mund të zgjedhin që të largohen.
Nëse nuk pranojnë kushtin e punës me detyrim, do të paguajnë tarifën e re të shkollimit të tyre, gati dhjetëfish më e lartë se aktualja.
