Këshilli i Sigurimit i Kombeve të Bashkuara do të mbajë një takim urgjent nesër për të diskutuar pasojat humanitare të tërheqjes së Rusisë nga marrëveshja për eksportin e sigurt të grurit ukrainas përmes Detit të Zi, sipas përfaqësuesve të Britanisë në Organizatë.
Sot më herët, këshilltari presidencial ukrainas Mykhailo Podoliak i kërkoi komunitetit ndërkombëtar të “bëjë më shumë” sepse Kievi i konsideron sulmet ajrore të Rusisë në portet jugore të Ukrainës sulm ndaj sigurisë globale të ushqimit.
“Këshilli i Sigurimit i OKB- së do të mblidhet nesër në orën 10:00 për një konferencë mbi Ukrainën. Këshilli do të diskutojë pasojat humanitare të ndërprerjes së nismës së grurit të Detit të Zi nga Rusia,” shkruhet në njoftimin në Twitter.
The UN Security Council will meet tomorrow at 10am for a briefing on Ukraine.
The Council will discuss the humanitarian consequences of Russia’s interruption of the Black Sea Grain Initiative.#UNSC 🇬🇧🇺🇳 pic.twitter.com/jKEEeV2nR0
— UK at the UN 🇬🇧🇺🇳 (@UKUN_NewYork) July 20, 2023
