Mbrëmja e sotme ka rezultuar tragjike për 4 persona të cilët dyshohet se janë mbytur teksa po laheshin në liqenin e Banjës.
Policia ka njoftuar se rreth orës 19:00 ka marrë një telefonatë se 4 persona dyshohet të jenë mbytur në Liqenin e Hidrocentralit të Banjës pasi janë futur për tu larë dhe nuk kan dalë më.
4 personat e mbytur janë 46-vjeçari, Arben Zogu dhe dy djemtë e tij, 19-vjeçari Ruben dhe 14-vjeçari Esti Zogu.
Gjithashtu është mbytur edhe nipi i 46-vjeçarit, Melsi Zogu.
Menjëherë në drejtim të liqenit janë nisur polumbarët e Reneas për të bërë të mundur gjetjen dhe nxjerrjen e katër shtetasve nga liqeni.
Grupi hetimor ka gjetur në buzë të liqenit dy motoçikleta, tre celularë dhe rrobat e trupit.
