Dy ditë më parë u raportua të shtëna në Gramsh për të cilat më pas policia sqaroi ishte regjistruar vetëm një sherr banal me grushte për vendparkim.
Ndërkohë sot për mes një njoftimi tjetër ka bërë të ditur se në lidhje me ngjarjen është arrestuar një 30-vjeçar, ndërsa është shpallur në kërkim vëllai i tij 26 vjeç.
30-vjeçari u arrestua për veprat penale “Prodhimi dhe mbajtja pa leje e armëve të gjuetisë dhe sportive”, “Plagosja e lehtë me dashje”, “Shkatërrimi i pronës”, “Moskallëzimi i krimit”, “Veprime që pengojnë zbulimin e së vërtetës” dhe “Prishja e qetësisë publike”, kryer në bashkëpunim.
2 vëllezërit janë konfliktuar me 3 shtetas të tjerë, për shkak të vendparkimit të automjeteve.
Gjithashtu për këtë rast proceduar në gjendje të lirë 20-vejçari me inicialet M. M. pasi ka kundërshtuar policinë dhe 34-vjeçari me inicialet V. K. për “Prishja e qetësisë publike”
Materialet procedurale i kaluan Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
