Eurodeputeti austriak, Thomas Waitz së fundmi ka reaguar në lidhje me masat e marra nga BE kundrejt Kosovës në lidhje me tensionet në veri të vendit.
Në reagimin e tij, Waitz u shpreh se Bashkimi Evropian është treguar më i butë ndaj presidentit Aleksandër Vuçiçit dhe Serbisë.
“Kështu që, nëse ai ka nevojë për mbështetje nga një qeveri austriake, thjesht fton shumë njerëz nga India dhe Tunizia të vijnë dhe më pas ata kërkojnë azil në Austri, gjë që më pas shkakton vëmendje në Austri, dhe një vizitë nga kancelari austriak. A mund ta zgjidhim? Po. Mirë, e tërheq regjimin e lirë të vizave. Pra, ai krijon problem.
Bën bisedime dhe më pas e zgjidh problemin. Por ai kërkon para shtesë, konsensus shtesë. Kjo është strategji që Vuçiç e ka ndjekur për një kohë shumë të gjatë.
Situata gjeostrategjike po i vë edhe politikanët evropianë në një situatë shumë të vështirë dhe tani kam përshtypjen se janë gati të pranojnë shumë gjëra që bëhen nga qeveria e Vuçiçit vetëm që të mos lidhet më shumë me regjimin e Putinit.
Serbia është një vend në mes të Bashkimit Evropian. Është një vend në mes të NATO-s. Ka frikë reale tek evropianët, se Vuçiçi apo Dodiku mund ta përdorin dhe të abuzojnë me situatën për të hapur një front të dytë. Kemi pasur informacione për praninë e mercenarëve te Wagner në Republikën Srpska.
Edhe konteksti mes ministrave të jashtëm mes Lavrovit dhe ministrat e Serbisë. Pra, e gjithë kjo po ushtron presion mbi evropianët.
Për momentin shoh se kjo po e pengon Bashkimin Evropian të mbajë qëndrim të ashpër. Nuk mendoj se do çojë në përfundimet e duhura apo të themi në lehtësim të situatë”, tha në një intervistë për emisionin “Balkan Talks” në Euronews Albania.
