Një i burgosur me inicialet G.H.,ka ndërruar jetë në klinikën e neurologjisë, njoftojnë autoritetet në Kosovë.
Sipas njoftimit të Departamentit Shëndetësor të Burgjeve, viktima ka vdekur rreth orës 19:00 në Klinikën e Neurologjisë të SHSKUK-së.
“I njëjti ishte i vendosur në Qendrën e Paraburgimit në Prishtinë dhe ka qenë duke u trajtuar në vazhdimësi nga sëmundjet paraprake me të cilat është pranuar,” thuhet në komunikatën për media.
Bëhet me dije se nga data 19 korrik, ai ishte dërguar për trajtim të mëtejshëm në Klinikën e Neurologjisë të SHSKUK-së.
“Organet kompetente janë duke u zhvilluar procedurat ligjore, ndërsa autopsia do të verifikojë shkakun e vdekjes,” vijon njoftimi.
