Një person është plagosur në Shijak si pasojë e një sherri. Kledi Çyrbja 18-vjeç, sipas policisë pas një debati me Saimir Begën e ka qëlluar me pistoletë duke e lënë të plagosur. Ngjarja ka ndodhur rreth orës 13:20.
30-vjeçari ndodhet në spital në kujdesin e mjekëve jashtë rrezikut për jetën.
Policia thotë se janë ngritur pika kontrolli dhe vijojnë kontrollet në zonë dhe në ambiente të ndryshme ku dyshohet se mund të jetë fshehur 18-vjeçari.
Grupi hetimor vijon punën për zbardhjen dhe dokumentimin e plotë të rrethanave të ngjarjes.
