Plagosje me thikë. Një 53-vjeçar është arrestuar në Bulqizë, pasi gjatë një konflikti ka qëlluar me thikë një 37-vjeçar duke e plagosur. I arrestuari është Mentor Dervishi.
Ngjarja ka ndodhur në “Lagjen e re”. I plagosuri ndodhet në spital, jashtë rrezikut për jetën.
Gjithashtu, nga shërbimet e Komisariatit të Policisë Mat u bë arrestimi në flagrancë i F. K., 52 vjeç, banues në Burrel, pasi ka goditur me sende të forta A. B., 54 vjeç, i cili ndodhet në spital, jashtë rrezikut për jetën.
Materialet procedurale i kaluan Prokurorisë Dibër, për veprime të mëtejshme.
