Deputeti i PDK, Mërgim Lushtaku e ka komentuar deklaratën e kryetarit të AAK-së, Ramush Haradinaj, i cili është shprehur se Hashim Thaçi në UÇK ka qenë vetëm turist.
Lushtaku e ka quajtur deklaratën të pavërtetë, duke shtuar se informacione më të sakta për veprimtarinë e Thaçit në luftë i ka rrethi i tij i ngushtë.
“Besoj që Ramush Haradinaj nuk ka informacion për Hashim Thaçin. Informacionet më të sakta i ka rrethi që ka bashkëpunuar dhe ka bashkëvepruar Hashim Thaçi, i cili është tashmë edhe para Gjykatës së Hagës padrejtësisht.
Në këtë fushë nuk dua të zgjerohem pasi që dihet se ka një aktakuzë edhe pse nuk ndërlidhet me këtë gjë. Krejtësisht të pavërteta ato çka i ka thënë. Por në këtë pjesë ne e dimë shumë mirë që ai ka marrë pjesë në betejë dhe më së shumti e dinë bashkëluftëtarët e tij,” ka thënë Lushtaku në emisionin “InfoNata” në “Tëvë 1”.
Kujtojmë se Haradinaj në emisionin “Respublika” në “Tëvë 1” ka folur për kohën e luftës dhe rolin që ka pasur ish-drejtori politik i UÇK-së, Hashim Thaçi gjatë asaj kohë.
