Luiz Ejlli mungon në listen e këngëtarëve që do të performojnë në koncertin e Noizyt më 4 gusht në Tiranë.
Pas daljes së tij nga “BBV” Noizy dhe Luizi u shfaqen bashkë në koncert, ku u bënë edhe premtime të mëdha, si bashkëpunime midis tyre e shumë të tjera.
Mirëpo deri tani nuk kemi parë asgjë. Dhe kjo jo nga mungesa e kohës nga palët besojmë, pasi të dy kanë sjellë projekte gjatë kësaj kohe.
Madje Luizi konfirmoi edhe bashkëpunimin e tij të parë me “rivalin” e Noizy-t, Getoar Selimin.
Sakaq kujtojmë që në një intervistë fituesi i “BBV” tha se të ishte në dorën e tij, ai do t’i pajtonte dy reperët madje do të bënte një bashkëpunim me të dy.
