Kryefjalë e qeverisë britanike prej shumë muaj është emigracioni për të cilën kanë marrë masa nga më të ndryshme për të parandaluar hyrjen në tokën angleze.
Çështja e emigracionit në Britani prek edhe shumë shqiptarë të cilët jetojnë në atje ose janë nisur ilegalisht drejt tokës e cila shpresojnë t’u japë shpresë. Por nga ana tjetër qeveria britanike po mundohen me çfarë të mundet t’i këpusë këto shpresa jo vetëm për shqiptarët por edhe për emigrantët e tjerë ilegalë.
Sekretarja e Brendshme Suella Braverman është treguar sërish e ashpër në deklaratën e saj të fundit teksa ka komentuar këtë temë e cila është e diskutueshme çdo ditë
Ajo është shprehur se avokatët që ndihmojnë azilkërkuesit për të kryer procedura të mashtrimit të emigracionit duhet të futen në burg.
“Këta të ashtuquajtur avokatë të emigracionit, janë ekspozuar shumë fuqishëm si kriminelë dhe mashtrues, duke i trajnuar emigrantët se si të gënjejnë për të kaluar sistemin tonë. Ne duhet të sigurojmë që ndaj kësaj lloj sjelljeje të mos bëhet një sy qorr, por, në fakt, të kemi një mjedis armiqësor për ata që kërkojnë të minojnë dhe thyejnë rregullat tona”, u shpreh Baverman.
