Apeli i Gjykatës së Posaçme la në fuqi vendimin e shkallës së parë për sekuestron e pasurisë së ish-zv.kryeministrit Arben Ahmetaj.
Ahmetaj ka kërkuar nëpërmjet avokatit të tij, në Apel kthimin e apartamentit në zonën e Shallvareve që iu sekuestrua nga SPAK, në kuadër të hetimeve që po kryen për 3 vepra penale.
Pak javë më parë, me vendim të gjykatës dhe kërkesë të SPAK, Ahmetajt iu vunë në sekuestro edhe 6 pasuri, 4 apartamente dhe 2 llogari bankare në shumën e 124 300 euro.
Ndaj Arben Ahmetajt ka një urdhërarresti ndërkombëtar me masë dhënë në mungesë “Arrest në burg” për veprat penale “Korrupsion”, “pastrim parash” dhe “fshehje pasurie”.
