Një grua amerikane nga Michigan ka thyer rekordin për mjekrën më të gjatë femër, pasi ka ndërprerë zakonin e saj për të rruar tri herë në ditë.
Lajmin e ka bërë të ditur Rekordet Botërore Guinness. 38-vjeçarja, Erin Honeycutt arriti të rrisë një mjekër 30 centimetra të gjatë që i siguroi asaj një vend në Librin e Rekordeve Guinness.
Rritja intensive e mjekrës ka ardhur për shkak të sindromës së vezores policistike nga e cila vuan.
Kjo sindromë e veçantë është një nga çrregullimet endokrine më të zakonshme dhe prek një përqindje të madhe të grave në mbarë botën.
Një nga simptomat e mundshme të tij është rritja intensive e flokëve, e cila i mundësoi 38-vjeçares të pushtojë rekordin pa marrë hormone apo suplemente të tjera ushqimore.
Sipas Guardian në vitet e mëparshme, Honeycutt u përpoq ta kontrollonte këtë simptomë ) me rruajtje të shpeshtë, depilim dhe metoda të tjera.
“Beteja me flokët” filloi në vitet e saj të adoleshencës dhe vazhdoi deri në moshën madhore.
Por kur ajo humbi pjesërisht shikimin për shkak të një problemi me sy të shkaktuar nga presioni i lartë i gjakut, ajo vendosi të ndalojë rruajtjen, duke ndjekur nxitjen e të shoqit dhe ta pranojë fytyrën ashtu siç është.
Kjo ndodhi gjatë pandemisë dhe mbajtja e maskave në daljet e saj publike e ndihmoi atë, thotë ajo, të rriste mjekrën me më shumë besim.
