Rikthehet droga në Lazarat. Kishin kultivuar dhe prodhuar kanabis, kapen në flagrancë teksa kujdeseshin për bimët narkotike dhe vihen në pranga babai dhe djali.
U zbuluan nga kontrollet me dronë. Të arrestuarit janë Ardiani 51 vjeç dhe Ergi Skënduli 28 vjeç, babai dhe djali, të dy banues në fshatin Lazarat.
Sipas policisë, u kapën në flagrancë nga dronë të rezolucionit të lartë, të përdorur në këtë operacion, teksa kujdeseshin për 50 bimët e dyshuara narkotike kanabis që kishin mbjellë në oborrin e banesës së tyre.
Lënda narkotike u sekuestrua në cilësinë e provës materiale, ndërsa 50 bimët narkotike u asgjësuan nëpërmjet djegies.
