Presidentja e Kosovës, Vjosa Osmani tha se zyrtarë serbë të Policisë së Kosovës dhanë dorëheqje si rezultat i “kërcënimeve dhe frikësimeve të vazhdueshme” nga Beogradi.
“Dorëheqja e zyrtarëve policorë nga komuniteti serb është rezultat direkt i kërcënimeve të vazhdueshme dhe frikësimeve nga Serbia një dëshmi se politikat e saj vazhdojnë të pasqyrojnë taktikat e ish-udhëheqësit serb Sllobodan Millosheviç. Ne do të vazhdojnë të ofrojmë gjithëpërfshirje në të gjitha institucionet dhe një Kosovë të sigurt për të gjithë,” shkroi Osmani në X, që më herët njihej si Twitter.
Më herët, diplomatët ndërkombëtarë të akredituar në Kosovë, shprehën shqetësimin e tyre për dorëheqjen e tre policëve serbë të Kosovës. Në reagimin e shefit të misionit të Bashkimit Evropian për Sundim të Ligjit në Kosovë (EULEX) dhe të Ambasadës amerikane, nuk u përmendën arsyet që çuan në dorëheqjen e tre policëve.
Nëntorin e kaluar, pjesëtarët serbë të policisë në veri të Kosovës kishin dhënë dorëheqje, si pjesë e dorëheqjeve kolektive të zyrtarëve serbë në komunat veriore Zveçan, Leposaviç, Zubin Potok dhe Mitrovicë të Veriut në shenjë pakënaqësie me një vendim të qeverisë për riregjistrimin e makinave me targa ilegale serbe në ato të Kosovës. Pas dorëheqjeve, autoritetet në Kosovë shpallën konkurs për pranimin e policëve të rinj. /REL
The resignation of police officers of the Serb community is a direct result of ongoing threats and intimidation from Serbia –an evidence that its policies continue to mirror Milosevic tactics.
We will continue to ensure inclusivity across all institutions and a safer 🇽🇰 for all.
— Vjosa Osmani (@VjosaOsmaniPRKS) August 17, 2023
