“5Pyetjet.al” publikon videon e aksidentit që ndodhi mëngjesin e sotëm në Liqenin Artificial në Tiranë. Makina luksoze “BMW X6” që drejtohej nga 26-vjeçari Eldi Allushi ka qenë duke lëvizur në rrugën e “Kosovarëve” dhe më pas është ngjitur në maloren që ndan aksin me shëtitoren e liqenit me shpejtësi të lartë.Mjeti ka marrë para gardhin metalik dhe ka përfunduar në digën e liqenit. Aksidenti ka ndodhur në 05:12 minuta. I riu pasi ndodhi aksidenti u largua, mori targat dhe dokumentet për të mos lënë gjurmë dhe u zhduk nga vendi i ngjarjes, por u identifikua disa orë më pas.
