Trupi i shefit të Wagner Yevgeny Prigozhin është identifikuar me gishtin e tij të prerë pasi trupi i tij u gjet nën rrënojat e avionit që u rrëzua në rajonin Tver të Rusisë, sipas një kanali rus.
Prigozhin e mori lëndimin në dorën e majtë gjatë vuajtjes së dënimit në një burg, njoftoi kanali rus Telegram VChK-OGPU. Një nga komandantët e Wagner shtoi se nënkryetari i organizatës Dmitry Utkin u identifikua nga tatuazhet e tij.
“Trupi i Yevgeny Prigozhin u identifikua zyrtarisht në morg nga një prej komandantëve të PMC Wagner. Shenja kryesore ishte mungesa e gishtit” tha ai.
Ndërkohë, një vlerësim paraprak i inteligjencës amerikane zbuloi se rrëzimi ishte shkaktuar nga një shpërthim i qëllimshëm, por Pentagoni thotë se deri më tani nuk ka prova që të tregojnë për një raketë.
Nuk është ende e qartë nëse Prigozhin dhe disa nga togerët e tij u vranë si hakmarrje për kryengritjen e qershorit të kaluar që sfidoi autoritetin e presidentit rus Vladimir Putin.
Një zyrtar amerikan i paidentifikuar tha se ishte “shumë e mundshme” që Prigozhin të ishte shënjestruar.
