Një pjesë e qytetit të Shkodrës raportohet se po përballet prej mëngjesit të sotëm me probleme me furnizimin me ujë, për shkak të një avarie në sistemin e pompave.
Mësohet se, prej orës tre të mëngjesit, ekipet e Ujësjellës Kanalizimeve dhe OSHEE-së po punojnë për të riparuar dëmin e shkaktuar.
Një pjesë e qytetit, duke qenë se ka ndodhur gjatë natës, dhe tubacionet e shpërndarjes së ujit kanë qenë të ‘karikuara’ me ujë ka vijuar furnizimin deri në zbrazjen e plotë.
Ndërkohë që në këto momente pjesa më e madhe e qytetit nuk ka furnizim me ujë, por pritet që situata të normalizohet në orët në vijim.
