Një 50-vjeçar ndërroi jetë sot në Selenicë rrugës për në spital. Dyshimet e para dhe sipas njoftimit të policisë bëhet fjalë për shpërthimin e një bombole gazi që ka sjellë plagosjen e rëndë që shkaktoi vdekjen.
“Salla Operative e DVP Vlorë ka marrë një telefonatë nga një shtetas, se në banesën e shtetasit D.G (komshiu), dyshohet se aksidentalisht ka plasur një bombul gazi dhe është dëmtuar i zoti i banesës shtetasi D. G, rreth 50 vjeç, i cili ka humbur jetën rrugës për në spital. Në vendngjarje po shkojnë grupi hetimor dhe shërbimet e policisë për sqarimin e rrethanave të ngjarjes dhe në përfundim do ketë një informacion të plotë për rastin” thotë policia.
Por policia po heton edhe një tjetër pistë. Shpërthimin me lëndë plasëse tritol, që mund të ketë shkaktuar plagosjen e rëndë të 50-vjeçarit në fshatin Gjormë që solli më pas vdekjen.
