Një vrasje e rëndë tronditi Prizrenin të dielën. Në lagjen “Arbana” një 48-vjeçar u vra. Lidhur me rastin është arrestuar i dyshuari Aziz Gashi.
Policia e Kosovës ka konfirmuar se ai është arrestuar në Tërpezë të Malishevës, ndërsa në një objekt tjetër është gjetur arma me të cilën dyshohet se ka kryer krimin.
Dyshohet se Aziz Gashi ka shtënë me pushkë automatike në drejtim të viktimës nga automjeti në lëvizje dhe kishte ikur nga vendi i ngjarjes.
“E ka vra me kallash në sy të fëmijëve e gruas” tregoi një dëshmitar i rastit në Prizren. Sipas Policisë, i dyshuari dhe viktima kishin pasur një mosmarrëveshje, e cila kishte sjellë deri te rasti tragjik.
