Në konferencën “Ditët e Amerikës në Beograd”, ambasadori amerikan në Beograd, Christopher Hill ka thënë se marrëdhëniet ndërmjet SHBA-së dhe Serbisë nuk mund të varen nga ajo që thonë disa vende të treta.
Ai ka theksuar se ato janë të qëndrueshme dhe se duhet të punohet për përmirësimin e tyre të mëtejshëm.
“Por pavarësisht politikës së përditshme dhe krizave globale, Serbia arrin të dalë nga situata dhe të vazhdojë me aspiratat për të hyrë në BE,” tha ambasadori Hill.
Hill shtoi se ka më shumë gjëra që i lidhin SHBA-në dhe Serbinë sesa i ndajnë ato. Ai theksoi rëndësinë e rrugës së Serbisë drejt integrimit evropian.
