Ish-kryeministri Sali Berisha komentoi në takimin e përjavshëm me gazetarët asamblenë socialiste. Largimet dhe emërimet në kabinetin qeveritar. Sulmoi Arbi Maznikun dhe Albana Koçiun. Nuk kishte fjalë për Igli Hasanin, që do të jetë ministër i Jashtëm.
“Arbi Mazniku, përfaqësuesi zyrtar i Ngradetës në Shqipëri. Arbi Mazniku është ikona më e shëmtuar e zyrtarit të babëzitur, që merrte 12 rroga si n/kryetar bashkie. Ky ishte një nga ata të restorantit të Nusretit dhe Ahmetaj ka thënë se ky (Mazniku) dhe Belinda kanë porositur nga dy biftekë.
Ky erdhi dhe u bë ministër. E bënë ministër djegësit. Ky në vend që të shkojë në qeli për aferën, ky lancohet ministër. Po ajo tjetra, Koçiu? Ajo është e regjistruar që merr para” tha ai.
Kishte një falënderim për autoritetet franceze që arrestuan Behar Bajrin. “Ai u informua dhe iku. Mori pjesë në mbledhjet që zhvilloi Spiropali për zgjedhjet në Shkodër me Bajrat, Pëllumb Gjokën dhe banditë të tjerë në Shkodër. Ndrikulla e krimit. Mandati i Shkodrës është mandat mbi krimin” tha ai.
