Kryetari i Partisë së Lirisë, Ilir Meta paraditen e sotme zhvilloi një takim për rreth 90 minuta në zyrën e Sali Berishës.
Temat e bisedës ishin disa, referuar aktualitetit politik. Aksioni opozitar, bashkimi i opozitës, por edhe zgjedhjet në Kukës.
A do të bashkohen deputetët e Ilir Metës me 43 të opozitës? “Deputetët tanë janë cdo ditë, edhe kur nuk ka parlament në ballafaqim. Kjo nuk është aspak e rëndësishme” tha Meta.
I pyetur kur do të nisin protestat, ai tha se “pa asnjë diskutim që do të ketë. E rëndësishme është që të ketë një program më përfshirës”.
Gazetarët e pyetën nëse do të pranonte emrin e Gazment Bardhit si kandidat të opozitës për zgjedhjet e 2025-tës, por Meta iu shmang.
“Nuk jemi këtu për t’u marrë me këto çështje. Ju e dini që ne jemi të angazhuar për të respektuar cdo parim demokratik” deklaroi ai.
