Policia e Tiranës ka vënë në pranga një 36-vjeçar i cili ishte administratori i një poste private dhe një 27-vjeçar pasi magazinonin dhe shpërndanin me shumicë mallra të kontrabanduara.
Gjithashtu është proceduar në gjendje të lirë bashkëpunëtori i tij dhe është shpallur në kërkim një tjetër, 43-vjeçari me inicialet S. B.
Policia ka sekuestruar 1400 pako me mallra të ndryshme të kontrabanduara kryesisht veshje me vlerë rreth 20 000 euro.
Të arrestuarit janë 36-vjeçari me inicialet M. L. dhe 27-vjeçari me inicialet F. Gj. Gjithashtu, nisi procedimi në gjendje të lirë për 41-vjeçarin me inicialet Xh. S.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.