Prokuroria e Posaçme po dikton lëvizjet jo vetëm në qeveri, por edhe në nivelet e tjera. Sot Presidenti Bajram Begaj shkarkoi nga detyra me propozim të ministrit të Mbrojtjes, komandantin e Forcës Ajrore, Ylli Pulaj. Në vendin e tij emëroi Ferdinant Dimon që ka gradën e gjeneralit.
Por përse erdhi ky shkarkim?
Arsye zyrtare nuk ka. Por nuk përjashtohet mundësia që të jetë iniciuar nga drejtësia. Pak ditë më parë u denoncua në media se tre hetues të BKH i kishin shkuar në zyrë Ylli Pulajt duke i sekuestruar telefononin celular.
Gjithashtu në listën e SPAK-ut në këtë hetim janë edhe zyrtarë të tjerë të Mbrojtjes. A është kjo arsyeja e shkarkimit të tij?
Për këtë do të presim ditët në vazhdim nëse do të ketë zhvillime nga drejtësia, por lajmi që qarkulloi pak ditë më parë për sekuestrot nuk u mohua.
Një nga dosjet e nxehta për këtë dikaster që ka në dorë SPAK-u janë pronat e ushtrisë. Për këtë është pyetur në SPAK edhe vetë Olta Xhaçka.
