Një ngjarje e rëndë u regjistrua pak ditë më parë në Burrel, ku një i mitur 2 vjeç, u ndje keq në çerdhe dhe ndërroi jetë rrugës për në spital.
Babai i tij, në një rrëfim për emisionin ‘Me zemër të hapur’ u shpreh se djali i tij nuk kishte asnjë problem me zemrën. Madje ai tha se vogëlushi nuk kishte pasur asnjë problem as me zemrën, gjë që u tha në disa media.
“Ai ishte i qetë dhe nuk kishte probleme shëndetësore. Djali pati një viroze të lehtë dhe kishte ditë që e kishte kaluar. E çuam në çerdhe shumë mirë. Edukatorët na thanë se pas gjumit djali kishte vjellë.
Ai humbi ndjenjat në çerdhe dhe ndërroi jetë rrugës për në spital. Atë ditë nuk ishte i sëmurë, madje nuk vuante as nga zemra”, tha babai.
