Pasditen e sotme të gjithë banorët e zonës së ish-parkut të Autobusëve në Tiranë kanë qenë në panik pas rënies së zjarrti në një nga pallatet e rrugës “Sali Butka”.
Ngjarja u regjistruar rreth orës 14:20 ku tarraca e pallatit 10 katësh u përfshi nga flaktë.
Situata doli jashtë kontrollit ku përmes fasadës së pallatit zjarri u përhap edhe në katet më poshtë duke shkuar deri në katin e 5-të të tij.
Nga pamjet e publikuara duket se tarraca e cila u përfshi nga flakët është shkrumbuar ndërsa katet e tjera kanë dëme të konsiderueshme materiale.
Sa i përket dëmeve në njerëz nuk ka raportime pasi mësohet se banorët janë evakuuar menjëherë nga pallati sapo ka rënë zjarri.
Prej 3 orësh zjarrfikëset vijojnë të shuajnë flakët. Deri tani është bërë i mundur izolimi i tij ndërsa po punohet për fikjen e plotë të tij në katin e 6-të. Për veç ndërhyrjes së zjarrfikësve nga jashtë është bërë e mundur edhe futja nga brenda në banesat e përfshira nga zjarri.
Pallati ishte i ri dhe kishte jo më shumë se dy vjet që ishte vënë në funksion.
PAMJE NGA VENDI I NGJARJES
