Çifti i showbizzit, Sara Hoxha dhe Ledri Vula, kanë qenë në qendër të vëmendjes nga media, për shkak të “përplasjeve” që patën me këngëtaren, Dafina Zeqiri.
Pak ditë më parë, Sara fitoi përsëri vëmendjen e ndjekësve të saj, duke publikuar në rrjetet e saj sociale një foto nga një atelie e njohur fustanesh, ku shfaqej me një fustan të bardhë të shkurtër.
Sipër fotos ka shkruar: “Kjo është një ëndërr”.
Kaq mjaftoi për të ngritur aludime tek ndjekësit, për një dasmë të mundshme.
Por “Prive” raportoi ditën e sotshme se diçka e tillë nuk ekziston, dhe se Sara ka qenë në atelie për të provuar disa fustane të tjera ku mes tyre vendosi të shikonte se si do dukej me fustanin e bardhë të nusërisë.
