Një person është vrarë me armë zjarri në orët e mëngjesit të së mërkurës në fshatin Banjë të Malishevës. Autori dhe viktima kanë pasur një mosmarrëveshje që lidhej me punën. Autori u dorëzua pas krimit. Sipas mediave në Prishtinë Isuf Zogaj dyshohet se e ka vrarë shokun e tij, Avni Basha.
“Nga hetimet e para dyshohet se viktima dhe dorasi kanë pasur një mosmarrëveshje që lidhej me punën. I dyshuari është ndaluar për 48 orë, ndërsa ndaj tij prokuroria brenda afatit ligjor do të bëjë kërkesë për caktimin e masës së paraburgimit në gjykatën kompetente” tha prokuroria. Mediat kanë publikuar pamjet nga vendi ku ndodhi krimi i rëndë.
