Portieri i “Djajve të Kuq”, Andre Onana ka marrë përgjegjësinë për humbjen 4-3 mbrëmjen e djeshme kundër Bayern Munich.
Nga gabimi trashanik i Onana-s bavarzët gjetën portën duke shënuar golin e parë të ndeshjes me Leroy Sane.
“Ne po shkonim mjaft mirë. Por, pas gabimit tim ne e humbëm kontrollin e lojës. Unë jam ai që e rrëzova ekipin përtokë. Natyrisht, është faji im”, deklaroi Onana.
“Është përgjegjësi e imja, për fajin tim ne nuk fituam. Unë duhet të mësoj nga kjo, për të tashmen dhe për të ardhmen. Kam shumë gjëra për t’i shfaqur, sepse, të jem i sinqertë, fillimi im në Manchester United nuk është dhe aq i mirë deri tani”, përfundoi Onana.
