Ngjarje e rëndë në Shkodër. Një i ri u gjet i vrarë me armë zjarri mbrëmjen e kësaj të enjteje.
Ngjarja ka ndodhur në fshatin Hot i Ri dhe viktimë nga të shtënat ka mbetur 33-vjeçari Valter Fierza.
Rrethanat e këtij krimi momentalisht nuk dihen, por dyshohet se shkak u bë një sherr në lokal.
Burime paraprake bëjnë të ditur se 33-vjeçari është gjetur i vrarë jashtë makinës së tij, në afërsi të kishës së fshatit.
Mësohet se kanë qenë familjarët e tij që e kanë gjetur të riun dhe kanë njoftuar policinë.
