Kryeministri, Edi Rama për mes një postimi në llogarinë e tij në Facebook ka bërë të ditur ndryshimet e fundit të miratuara në lidhje me shtetësinë shqiptare.
Në postim Rama shkruan se pas ndryshimeve të bëra në ligj tani të gjithë talentet e sportit të cilët kanë lindur dhe jetojnë jashtë vendi mund të marrin pasaportën shqiptare ende pa mbushur 18 vjeç.
“Tanimë me ndryshimet e miratuara në ligjin “Për shtetësinë” nga Kuvendi i Shqipërisë, me propozim të Qeverisë, u krijohet mundësia talenteve të sportit që kanë lindur e jetojnë jashtë Shqipërisë, që të pajisen me pasaportën shqiptare edhe kur nuk kanë mbushur moshën 18 vjeç,” shkruan Rama në Facebook.
